Loyembo 22
“Yehova azali Mobateli na ngai”
Ya Papye
1. Yah nde Mobateli na ngai.
Nabanga mpo na nini?
Asungaka bampate na ye,
Mpe moko te abungi.
Ateyi ngai nzela na ye,
Apamboli ngai solo.
Yah azali kokamba ngai
Na nzela ya bosembo.
Yah azali kokamba ngai
Na nzela ya bosembo.
2. Ata kati na molili,
Nakobang’eloko te.
Nzambe azali pene na ngai;
Ye akotika ngai te.
Nzambe atye ngai mafuta.
Kɔpɔ na ngai etondi.
Boboto na y’ekolanda ngai,
Ndako na ye nalingi.
Boboto na y’ekolanda ngai,
Ndako na ye nalingi.
3. Yehova aza’ bolingo!
Tiká nayembela ye!
Epai ya bampate na ye,
Namema nsango na ye!
Natosi Liloba na ye,
Mpe nakozala sembo.
Kosalela ye ntango nyonso,
Eza’ esengo, nkembo.
Kosalela ye ntango nyonso,
Eza’ esengo, nkembo.