Maloba ya ebandeli ya eteni 4

Eteni oyo elobeli Yozefe, Yobo, Moize, mpe Bayisraele. Bango nyonso bayikaki mpiko, atako Zabolo anyokolaki bango. Bakoselaki bamosusu kati na bango makambo, bamosusu bakɔtaki bolɔkɔ, bamosusu bakómaki baombo, basusu kutu babomamaki. Kasi, na nyonso wana, Yehova abatelaki bango. Soki ozali moboti, salisá mwana amona ndenge basaleli wana ya Yehova banyokwamaki, kasi bazalaki kaka na kondima.

Yehova atindaki Malɔzi Zomi na Ezipito mpo na komonisa ete aleki banzambe na yango nyonso na nguya. Monisá polele ndenge Yehova abatelaki bato na ye na ntango ya kala mpe ndenge abatelaka bato na ye lelo.