Yesu, bomoi na ye mpe mosala na ye

Yesu azali nani mpenza?

MASUWA oyo ezali kokumba Yesu mpe bayekoli na ye etelemi na Betesaida. Kuna, bakumbi moto moko akufa miso epai na Yesu mpe babondeli ye ete asimba moto yango mpo na kobikisa ye. Yesu asimbi ye na loboko mpe akei na ye na libanda ya mboka; bongo nsima na kobwakela ye nsoi na miso, atuni ye boye: “Ozali komona eloko?”

“Nazali komona bato kasi bazali lokola nzete kotambola.” Yesu atye bongo maboko na ye na miso ya moto yango mpe abandi komona mpenza malamu. Bongo atindi ye ete azonga epai na ye, kasi akota na mboka te.

Sikawa Yesu akei elongo na bayekoli 18 ye na Césarée de Philippe, epai na nord mpenza ya Palestine. Césarée azali na esika moko kitoko, na ngomba molai ezali na 350 m longwa na nse, mpe mpo na komata kuna basengeli kotambola bakilometre 50. Voyage na bango ekokaki kosala mikolo mibale.

Na nzela, Yesu amibendi esika na ye moko mpo na kobondela. Etikali se sanza libwa to zomi mpo liwa na ye ekoka, mpe azali komibanzabanza mpo na bayekoli na ye. Mingi batiki kolanda ye. Bamosusu babulungani mpenza mpe bamoni ete mikano na bango mikokani te. Mpamba te, Yesu aboi lisenginya ya bato balingi kokomisa ye mokonzi; mpe lisusu, ntango banguna na ye babelelaki ye ntembe mpo amonisa ete azali mokonzi, ye aboyaki kopesa elembo. Azali mpenza nani mpo na bantoma? Ntango balandi ye esika azali kosambela, Yesu atuni bango: “Bato bakolobaka ete ngai nani?”

Bango bayanoli ete: “Bamoko balobi ete, Yoane Mobatisi, mpe bamosusu ete, Eliya, bamosusu mpe ete, Moko na basakoli.” Ya solo, bibele bazali kokanisa ete azali moko kati na bato yango, asekwisami longwa na bakufi“

Kasi Yesu atuni bango: “Nde bino, bokololobaka ete ngai nani?”

Mbala moko Petelo ayanoli boye: “Yo ozali Klisto, Mwana na Nzambe na bomoi.”

Nsima na kondima eyano ya Petelo, Yesu alobi: “Ngai mpe nakoloba na yo ete ozali Petelo, mpe na libanga oyo nakotonga lingomba na ngai mpe bikuke na ewelo ekoki kolonga liboso na yango te. “Ezali mpo na mbala ya liboso oyo alobi ete akosala lisangá moko mpe ata liwa ekokanga basangani na yango te nsima na bomoi na bango ya sembo awa na mabelé. Bongo alobi lisusu: “Nakopesa yo bafungola na Bokonzi na likolo.”

Yesu amonisi awa ete Petelo asengeli kozwa mikumba minene. Kasi, Petelo azwi esika ya liboso te, koleka bantoma nyonso, azalisami mpe Libanga ya moboko te mpo na lisangá. Ezali bongo Yesu nde azali libanga likolo na yango lisangá na ye ekotongama. Kasi Petelo asengeli kozwa bafungola misato oyo akofungola na yango nzela ya kokota na Bokonzi ya makolo epai na mitindo misato ya bato.

Petelo asalekaki fungola ya liboso na Pantekote ya mobu 33 ya ntango na biso, ntango amonisaki epai na Bayuda oyo babongolaki motema likambo basengelaki kosala mpo na kobika. Asalelaki fungola ya mibale mwa mikolo na nsima, ntango apesaki epai na Basamaria bandimi nzela ya kokota na Bokonzi ya Nzambe. Bongo, na mobu 36 ya ntango na biso, asalelaki fungola ya misato na kopesaka mpe elikya yango epai na Bapakano bazangi kokatama ngenga, Korneye mpe baninga na ye.

Yesu alandi lisolo na ye elongo na bantoma na ye. Bayoki mawa ntango alobi na bango ete etikali moke akomona mpasi mpe akokufa na Yelusaleme. Lokola asimbaki ntina te ete akosekwa na makolo, Petelo abendi ye pembeni. Alobi na ye: “Oyo ekokomela yo te, Nkolo.” Kasi Yesu apesi ye mokongo mpe alobi: “Kenda nsima na ngai, Satana! Ozali libaku liboso na ngai mpo ete ozali kokanisa lokola Nzambe te kasi lokola bato.”

Emonani polele ete, longola bantoma, bato mosusu bazali na mobembo yango elongo na Yesu. Abengi bango nyonso mpo na kolimbwela bango ete ekozala petee te mpo na kozala bayekoli na ye. “Soko nani alingi koya nsima na ngai, tika ete amiboya ye mpenza mpe atombola nzete na ye ya mpasi mpe alanda ngai. Mpamba te ye nani alingi kobikisa bomoi na ye akobebisa yango. Nde ye nani akobebisa bomoi na ye mpo na ngai mpe mpo na nsango malamu, akozwa yango.”

Ee, bayekoli ya Yesu basengeli kozala na molende mpe elimo ya komipesa soki balingi kondimama epai na ye. Yesu alobaki: “Moto nani akoyoka nsoni na ntina na ngai mpe na ntina na maloba na ngai na kati na libota oyo na pite mpe na masumu, Mwana na moto akoyoka nsoni na ntina na ye, wana ekoya ye kati na nkembo na Tata na ye esika moko na baanzelu na bulee.” Malako 8:22-38; Matai 16:13-28; Luka 9:18-27.

◆ Mpo na nini Yesu azali komibanzabanza mpo na bayekoli na ye?

◆ Bafungola nini Petelo azwaki, mpe ndenge nini asalelaki yango?

◆ Mpamela nini Petelo azwaki, mpe mpo na nini?