Watchtower MIKANDA OYO EZALI NA INTERNET
Watchtower
MIKANDA OYO EZALI NA INTERNET
Lingala
  • BIBLIA
  • MIKANDA
  • MAKITA
  • w96 15/3 lok. 3
  • Tozali na mposa ya baninga ya solo

Video ezali awa te.

Esimbi te. Video oyo esali mwa mindɔndɔ.

  • Tozali na mposa ya baninga ya solo
  • Linɔ́ngi ya Mosɛnzɛli eyebisaka Bokonzi ya Yehova—1996
  • Mitó ya makambo mike
  • Masolo mosusu
  • Ntina oyo tozali na mposa ya baninga ya solo
  • Ndenge ya kobatela boninga na mokili oyo ezangá bolingo
    Linɔ́ngi ya Mosɛnzɛli eyebisaka Bokonzi ya Yehova—2009
  • Okoki kozala na boninga oyo ekoumelaka
    Linɔ́ngi ya Mosɛnzɛli eyebisaka Bokonzi ya Yehova—1996
  • Poná malamu baninga na yo
    Sepelá na bomoi libela na libela!—Boyekoli ya Biblia
  • Biblia elobi nini na likambo etali boninga?
    Biyano na mituna ya Biblia
Makambo mosusu
Linɔ́ngi ya Mosɛnzɛli eyebisaka Bokonzi ya Yehova—1996
w96 15/3 lok. 3

Tozali na mposa ya baninga ya solo

JENNY mpe Sue bazali kosolola na esengo nyonso. Bazali na elongi ya kofungwana, bazali na nsai​—lolenge na bango ezali komonisa ete moko na moko azali kosepela na oyo moninga azali koloba. Atako bauti na bisika bikeseni, kasi emonani polele ete bazali na makambo mingi makokani oyo bango mibale basepelaka na yango mpe bapesanaka limemya mingi moko na mosusu.

Epai mosusu, Eric mpe Dennis bazali kosala mosala moko, ezali moko kati na misala mingi oyo basilá kosala elongo na boumeli ya bambula. Bazali motema mpiɔ, mpe basekaka mingi. Wana masoló na bango mabongwanaka mpo na kolobela makambo ya ntina mpenza, bapesanaka makanisi na bosembo nyonso. Bapesanaka limemya moko na mosusu. Lokola Jenny mpe Sue, Eric mpe Dennis bazali baninga ya solo.

Makambo oyo malobami awa makoki kopesa yo nsai na motema, kopusáká yo ete okanisa na ntina na baninga na yo mpenza. Ekoki mpe kosala ete oyoka mposa makasi ya kozala na baninga motindo oyo. Yo mpe okoki kozala na baninga motindo oyo!

Ntina oyo tozali na mposa ya baninga ya solo

Boninga malamu ezali na ntina mpo ete tózala na kolɔngɔ́nɔ́ malamu ya mayoki mpe ya nzoto. Nzokande, wana tozali komiyoka ete tozali bobele biso moko, yango elimboli te ete tozali na kolɔngɔ́nɔ́ malamu te. Balukiluki mosusu balobi ete mayoki ya kozala yo moko ezali lokola kozala na nzala, ezali likambo oyo ekómelaka moto nyonso mpo na komonisa ete azali na mposa ya kofanda elongo na baninga. Motindo moko mpenza lokola bilei ekitisaka to esilisaka nzala, bobele bongo mpe boninga malamu ekoki kosala ete mayoki ya komiyoka yo moko ekita to mpe esila mpenza. Lisusu, ezali mpasi te mpo na kozwa baninga malamu oyo bakoki kotalela biso na motuya.

Bato basalemaki na na mposa ya kozala na baninga. (Genese 2:18) Biblia elobi ete, moninga ya solo azali “ndeko abotami mpo na ntango na mpasi.” (Masese 17:17) Na yango, baninga ya solo basengeli kozala na likoki ya kosɛngana lisungi na ntango mposa ezali. Kasi moninga azali te bobele moto oyo osengeli kokenda epai na ye mpo na koluka lisungi to moninga bobele na esika ya mosala to na esika ya lisano. Baninga malamu bapesanaka bizaleli malamu. Masese 27:17 (NW) elobi ete: “Ebendé ekopelisaka ebendé. Na yango, moto moko akopelisaka elongi ya moto mosusu.” Lokola eteni ya ebendé ekoki kosalelama mpo na kopelisa mbeli oyo esalemi mpe na ebendé motindo moko, moninga moko akoki kolónga kokólisa mayele mpe elimo ya moninga mosusu. Soki makambo oyo tozalaki komizela na yango makokisami te, na ntango yango soki moninga moko asangani na mawa na biso mpe ayikisi biso mpiko na nzela ya Makomami, yango ekoki kopesa biso makasi.

Kati na Biblia, boninga elobelami esika moko na bolingo, bomeseni, koyebisana makambo ya mozindo. Bato oyo bakoki kozala baninga na yo ezali bongo bato ya pembeni, bato oyo osalaka na bango esika moko, mpe bongo na bongo. Basusu mpe batalelaka bandeko na bango mosusu ya mosuni lokola baninga ya pene. Nzokande, mpo na bato mingi lelo oyo, ezalaka mpasi mpo na kozwa baninga ya solo mpe kobatela boninga yango. Mpo na nini bongo? Okoki kosala boninga ya solo mpe oyo ekoki koumela?

    Mikanda na Lingala (1984-2026)
    Bimá
    Kɔtá
    • Lingala
    • Kotindela moto
    • Makambo oyo olingi
    • Copyright © 2025 Watch Tower Bible and Tract Society of Pennsylvania
    • Ndenge ya kosalela
    • Kobomba makambo ya moto
    • Kobongisa makambo na yo
    • JW.ORG
    • Kɔtá
    Kotindela moto