Nzambe azali wapi?
Mokolo ya 11 Sɛtɛmbɛ 2001: Na ngonga ya 8 miniti 46 na ntɔngɔ, aviɔ moko oyo ememaka bato etuti ndako molai ya nɔrdi ya World Trade Center, na engumba New York—moko ya makambo mingi oyo bateroriste bakanaki kosala. Nsima ya miniti 102, bato soki 3 000 bakufi.
26 Desɛmbɛ 2004
Mabele eninganaki makasi (magnitude 9) na Mbu ya Indien mpe etindaki mbonge ya nsɔmɔ oyo ebɛtaki mikili 11, tii na Afrika—oyo ezali na kilomɛtrɛ soki 5 000. Na mokolo moko, bato 150 000 bakufaki to babungaki, mpe bandako ya bato koleka milio moko ebebaki.
Mokolo ya 1 Augusto 2009: Mobali moko ya mbula 42 ná mwana na ye ya mobali ya mbula 5 bazalaki kosala lisano ya ski na tukutuku oyo etambolaka na mai, mpe na bakendaki kokwea na mabaya ya libongo. Tata akufaki. Mwana atikalaki na bomoi kasi akufaki mokolo oyo elandaki. Ndeko moko ya libota na bango alobaki na mawa ete: “Tozalaki kolikya ete akobika mpe ete likamwisi ekosalema.”
Ntango otángi masolo ya makambo mabe oyo bateroriste basali to ya makama oyo ebimaka na biloko oyo Nzambe asalá, to ntango yo moko okutani na likama, omitunaka soki Nzambe azali mpenza komona makambo oyo ezali kosalema? Omitunaka soki asundolá biso? Ndenge tokomona yango, Biblia epesi eyano ya malamu mpenza.
[Eutelo ya bafɔtɔ na lokasa 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures