Maloba ya ebandeli

OKANISI NINI?

Kopota mbangu ya batambwisi-mpunda minei oyo mokanda ya Emoniseli elobeli ezali moko ya masolo oyo bato mingi bayebi na mokanda ya Emoniseli. Bamosusu babangaka yango. Ebendaka likebi ya basusu. Talá oyo Biblia elobi mpo na bisakweli ya ndenge wana:

“Esengo na moto oyo azali kotánga na mongongo makasi mpe na baoyo bazali koyoka maloba ya esakweli oyo.”​—Emoniseli 1:3.

Nimero oyo ya Linɔ́ngi ya Mosɛnzɛli emonisi ndenge oyo kopota mbangu ya batambwisi-mpunda minei ekoki kozala nsango malamu mpo na yo.