Bokundoli epai na mokomeli mpe mokɛngɛli na mosala

Mbula na mbula, liyebisi libimaka kati na Mosala na biso ya Bokonzi ya Febwáli, esɛngaka na mokomeli mpe na mokɛngɛli na mosala ete ‘bátalela mosala ya babongisi-nzela ya sanza na sanza nyonso.’ Ntina ya botaleli yango oyo esengeli kosalema na sanza oyo ya Mársi ezali nini? Koyeba nani akozala na mposa ya lisungi mpo na kokokisa motuya na ye ya bangonga na nsuka ya mobu.

Babongisi-nzela ya sanza na sanza basengeli kopesa bangonga 1 000 na mbula kati na mosala ya kosakola. Na nsuka ya sanza ya Febwáli, basusu bayaka komona ete bazangi bangonga mosusu, mpe yango ekoki kolɛmbisa bango. Bankulutu mbala mingi bazalaka na likoki ya kosunga babongisi-nzela, na kolendisáká bango mpe na kopesáká bango batoli ebongi. Lisungi wana ya bankulutu ekoki kozala malamu mpe kopesa nzela na mobongisi-nzela ete aluka kokokisa bangonga na ye, na esika ete atika mosala na ye.

Babongisi-nzela bakozala na botɔ́ndi na likebi ya bolingo oyo bankulutu bakotyela bango na likambo yango. Lisangá mpe lizwaka matomba na kozala na babongisi-nzela ya esengo kati na mosala ya kosakola mpe oyo bazali kokokisaka mosala na bango na bosembo nyonso.