Bokonzi esili koyangela mbula 100

Bato oyo balingi Bokonzi ya Nzambe eyangela bango basengeli koyekola makambo nyonso oyo bakoki na ntina etali Bokonzi yango mpe makambo oyo esali. Mpo na nini? Mpo ekosalisa bango bándima mpenza ete Bokonzi ya Nzambe ezali koyangela mpe ekotinda mitema na bango eyebisa basusu nsango malamu ya Bokonzi yango. (Nz 45:1; 49:3) Wana ozali kotala video Bokonzi ya Nzambe esili koyangela mbula 100, luká biyano na mituna oyo:

1. Mpo na nini “Fɔtɔ-Drame ya bozalisi” ezalaki lipamboli mpo na baoyo batalaki yango?

2. Ndenge nini basalelaki radio mpo na kosakola nsango malamu?

3. Mayele nini mosusu basalelaki mpo na kosakola, mpe ndenge nini esalisaki?

4. Ndenge nini balakisaki bandeko kosakola na boumeli ya bambula?

5. Mateya ya Eteyelo ya Gileade esalisaki bandeko na nini?

6. Ndenge nini mayangani ya minene esalisi na koteya basaleli ya Yehova?

7. Nini endimisaka yo ete Bokonzi ya Nzambe ezali koyangela?

8. Ndenge nini tokomonisa ete tozali kopesa Bokonzi ya Nzambe mabɔkɔ?