Bazali kopesa moto traktɛ pene ya Monrovia, na Libéria

Ndenge ya kobanda lisolo

●○○ BOKUTANI YA LIBOSO

Motuna: Biblia ezali kaka na ntina tii lelo oyo?

Vɛrsɛ: 2Ti 3:16

Motuna oyo okotika: Biblia ezali na nsango nini?

○●○ KOZONGELA MOTO MPO NA MBALA YA LIBOSO

Motuna: Biblia ezali na nsango nini?

Vɛrsɛ: Mt 6:10

Motuna oyo okotika: Bokonzi ya Nzambe ekosala nini?

○○● KOZONGELA MOTO MPO NA MBALA YA MIBALE

Motuna: Bokonzi ya Nzambe ekosala nini?

Vɛrsɛ: Da 2:44

Motuna oyo okotika: Yango ekokómisa mabele ndenge nini?

Kobanda na sanza oyo, makita ya katikati ya pɔsɔ ekozala lisusu te na bilakiseli misato oyo emonisaka ndenge ya kokabola mikanda. Kasi, mokanda na biso ya likita Bomoi mpe mosala ekozala nde na “Ndenge ya kobanda lisolo,” oyo ekozala na motuna, vɛrsɛ, mpe motuna oyo mosakoli akotika mpo na kozongela moto. Tokobanda kotala video moko mbala moko na pɔsɔ, oyo ekomonisa ndenge ya kobanda lisolo. Mosakoli mokomoko akoki kopona na mikanda oyo toyekolaka na bato Biblia oyo wapi akosalela na bokutani ya liboso to ntango azongeli moto. Longola yango, mokanda ya likita ekozala na makanisi oyo ekomonisa ndenge ya kozongela moto mpo na mbala ya mibale mpe ya misato. Yango ekosalisa biso tótya miso na mokano na biso ya koteya ‘baoyo nyonso bazali na ezaleli oyo ebongi mpo na bomoi ya seko.’—Mis 13:48.

Badevuare ya bana-kelasi: Soki malako mosusu ezali te, bana-kelasi basengeli kosalela “Ndenge ya kobanda lisolo.”