MAKAMBO YA MOTUYA NA LILOBA YA NZAMBE | YOANE 5–6
Landá Yesu na makanisi ya malamu
Ntango Yesu apesaki ndakisa moko oyo bayekoli na ye bakangaki ntina na yango te, bamosusu babɛtaki libaku mpe batikaki kolanda ye. Mokolo moko liboso, Yesu aleisaki bango na ndenge ya likamwisi mpe yango emonisaki ete nguya na ye eutaki na Nzambe. Kasi, mpo na nini babɛtaki libaku? Emonani ete bazalaki kolanda Yesu mpo na koluka matomba na bango moko. Bazalaki kolanda ye kaka mpo na biloko ya mosuni.
Mokomoko na biso asengeli komituna boye: ‘Mpo na nini nazali kolanda Yesu? Ezali kaka mpo na mapamboli oyo nazali na yango lelo mpe oyo nakozwa na mikolo ekoya? To ezali mpo nalingaka Yehova mpe nalingi kosepelisa ye?’
Mpo na nini tokoki kobɛta libaku soki tozali kosalela Yehova libosoliboso mpo na bantina oyo elandi?
Mpo tosepelaka kozala elongo na bandeko
Mpo tolingaka kofanda na paradiso