MAKAMBO YA MOTUYA NA LILOBA YA NZAMBE | BALEVI 4-5

Pesá Yehova oyo eleki malamu

Na Yisraele ya kala, kozala mobola ezalaki te kopekisa moto asala kimya elongo na Yehova. Ata Bayisraele oyo bazalaki mpenza babola bakokaki kopesa Yehova mbeka oyo endimami soki yango ezalaki eloko oyo eleki malamu mpo na bango. Na ndakisa bakokaki kopesa ata farini, kasi Yehova azalaki kosɛnga ezala ya “malamu” mpenza, oyo bazalaki kosalela mpo na bapaya ya lokumu. (Eb 18:6) Lelo oyo, Yehova andimaka “mbeka na biso ya lisanzoli” oyo eleki malamu, na kotalela makoki ya mokomoko na biso.—Ebr 13:15.

Ndenge nini ndakisa oyo ekoki kolendisa yo ntango ozali kokoka lisusu te kosala ndenge ozalaki kosala liboso, mpo ozali kobɛla to ozali lisusu makasi te?

Bililingi: Bandeko basi mibale bazali kopesa ‘mbeka ya lisanzoli’ na bango epai ya Yehova. 1. Ndeko mwasi moko asakolaka na monɔkɔ ya bapaya, akutani na mwasi moko na wenze. 2. Ndeko mwasi moko ya mobange azali kokoma mokanda na ndako na ye.