Tomonisaka bolingo ntango topesaka mabɔkɔ na disiplini ya Yehova

Kolongola moto na lisangá ebatelaka lisangá mpe epesaka disiplini na mosumuki oyo aboyi kobongola motema. (1Ko 5:6, 11) Tomonisaka bolingo ntango topesaka mabɔkɔ na disiplini ya Yehova. Ndenge nini kosala bongo ezali komonisa bolingo atako kolongola moto na lisangá epesaka moto nyonso mpasi, ezala bandeko ya libota to mpe bandeko ya komite ya kosambisa?

Likambo eleki ntina, kosala bongo ezali komonisa bolingo mpo na nkombo ya Yehova mpe mitinda na ye ya sembo. (1Pe 1:14-16) Lisusu, emonisaka mpe bolingo mpo na moto oyo alongolami na lisangá. Atako disiplini ya makasi esalaka mpasi, kasi yango ekoki kobota ‘mbuma ya kimya to ya boyengebene.’ (Ebr 12:5, 6, 11) Soki tozali kokoba kosolola na moto oyo alongolami na lisangá to oyo amilongoli ye moko na lisangá, tozali te kopesa mabɔkɔ na disiplini ya Yehova. Kobosana te, Yehova apesaka basaleli na ye disiplini “na ndenge oyo ekoki.” (Yir 30:11) Wana tozali kokoba kopesa disiplini ya Yehova mabɔkɔ mpe tozali kokoba na mimeseno na biso ya elimo, tokoki kotya motema ete moto yango akozongela Tata na biso ya motema mawa.​—Yis 1:16-18; 55:7.

TALÁ VIDEO TIKALÁ SEMBO NA MOTEMA MOBIMBA, MPE NA NSIMA YANOLÁ NA MITUNA OYO:

• 

  Baboti bakristo bamiyokaka ndenge nini ntango mwana na bango atiki Yehova?

• 

  Ndenge nini bandeko ya lisangá bakoki kosalisa bandeko ya libota oyo batikali sembo?

• 

  Lisolo nini ya Biblia emonisi ete ezali na ntina bosembo na biso epai ya Yehova esengeli koleka bosembo na biso epai ya bato ya libota?

• 

  Ndenge nini tokomonisa ete bosembo na biso epai ya Yehova eleki bosembo na biso epai ya bato ya libota?