Kobá komesenisa makoki na yo ya kososola

Mpo moto oyo asalaka masano akoba kosala yango malamu, asengeli komesenisa nzoto na ye na ngalasisi. Ndenge moko, biso mpe tosengeli kokoba kosala milende mpo na koteya mpe kobatela makoki na biso ya kososola. (Ebr 5:14) Atako mbala mingi tozwaka bikateli na kolanda bikateli ya bato mosusu, tosengeli komesenisa makoki na biso ya kokanisa mpe kozwaka bikateli biso moko. Mpo na nini? Mpo mokomoko na biso akozongisa monɔkɔ mpo na bikateli oyo azwaka.​—Ro 14:12.

Tosengeli te kokanisa ete tokokoba kozwa bikateli ya malamu kaka mpo tozwá batisimo eleki sikoyo bambula mingi. Mpo tózwa bikateli ya malamu, tosengeli mpenza kotyela Yehova motema, Liloba na ye, mpe ebongiseli na ye.​—Yos 1:7, 8; Mas 3:5, 6; Mt 24:45.

TALÁ VIDEO “BATELÁ LISOSOLI YA MALAMU,” MPE NA NSIMA YANOLÁ NA MITUNA OYO:

• 

  Emma alingaki kozwa ekateli na likambo nini?

• 

  Mpo na nini tosengeli koboya komonisa makanisi na biso moko na makambo oyo etali lisosoli ya moto na moto?

• 

  Toli nini ya bwanya babalani moko bapesaki Emma?

• 

  Epai wapi Emma azwaki makanisi ya ntina oyo esalisaki ye na makambo oyo akutanaki na yango?