Zwá mateya na lisolo ya bomoi ya Samwele

Samwele atikalaki sembo epai ya Yehova na bomoi na ye mobimba. Wana azalaki elenge mobali, aboyaki kokóma lokola bana ya Eli, Hofini ná Fineasi. (1Sa 2:22-26) Samwele akobaki kokola, mpe Yehova akobaki kozala elongo na ye. (1Sa 3:19) Ntango akómaki mobange, akobaki kotambola na nzela ya Yehova, atako bana na ye basalaki bongo te.​—1Sa 8:1-5.

Ndakisa ya Samwele ekoki koteya biso nini? Soki ozali elenge, tyá motema ete Yehova ayebi mikakatano oyo ozali kokutana na yango mpe ndenge ozali komiyoka. Akoki kosalisa mpo ozala na mpiko. (Yis 41:10, 13) Soki ozali moboti oyo mwana azali kosalela Yehova te, yebá ete Samwele akokaki te kotinda na makasi bana na ye oyo bakómaki mikóló bátosa mitinda ya sembo ya Yehova. Wana atikaki makambo nyonso na mabɔkɔ ya Yehova, akobaki kobatela bosembo na ye mpe asepelisaki Yehova, Tata na ye ya likoló. Mbala mosusu ndakisa na yo ya malamu ekotinda mwana na yo azongela Yehova.

TALÁ VIDEO YEKOLÁ EPAI NA BANGO​—SAMWELE, MPE NA NSIMA YANOLÁ NA MITUNA OYO:

• 

  Ndenge nini elenge mobali Samwele amonisaki mpiko?

• 

  Ndenge nini Danny amonisaki mpiko?

• 

  Ndakisa nini ya malamu Samwele apesaki ntango akómaki mobange?

• 

  Ndakisa nini ya malamu baboti ya Danny bapesi biso?