Koyikela kozanga bosembo mpiko

Tángá Ebandeli 37:​23-28; 39:17–23 mpo ozwa mateya na ndakisa ya Yozefe na oyo etali koyikela kozanga bosembo mpiko.

Talelá lisolo mobimba. Mpo na nini basalaki Yozefe makambo ya kozanga bosembo? (Eba. 37:​3-11; 39:​1, 6-10) Ntango boni Yozefe ayikelaki makambo yango mpiko? (Eba. 37:2; 41:46) Na boumeli ya ntango yango, Yehova asalaki nini mpo na Yozefe, kasi nini asalaki te?—Eba. 39:​2, 21; w23.01 lok. 17 par. 13.

Kɔtá na mozindo. Biblia elobi te ete Yozefe amilongisaki mpo na komonisa ete mwasi ya Potifare akoselaki ye makambo. Ndenge nini bavɛrsɛ oyo elandi ekoki kosalisa biso tómona ntina oyo mbala mosusu Yozefe amonaki malamu aloba eloko te, to mpo na ntina oyo tosengeli kozela te ete Biblia eyebisa biso makambo nyonso ya mikemike? (Mas. 20:2; Yoa. 21:25; Mis. 21:37) Bizaleli nini mbala mosusu esalisaki Yozefe ayikela kozanga bosembo mpiko?—Mik. 7:7; Luka 14:11; Yak. 1:​2, 3.

Bimisá mateya. Omituna boye:

• ‘Makambo nini ya kozanga bosembo nakoki kokutana na yango lokola nazali moyekoli ya Yesu?’ (Luka 21:​12, 16, 17; Ebr. 10:​33, 34)

• ‘Ndenge nini nakoki komibongisa mpo na koyika mpiko?’ (Nz. 62:​7, 8; 105:​17-19; w19.07 nk. 2-7)