Zwáká mateya na nzela ya bililingi

Mikanda na biso ezalaka na bililingi ebele oyo eteyaka biso makambo ya ntina. Ndenge nini okoki kozwa mateya na nzela ya bililingi yango?

• Bwaká liso na bililingi liboso otánga lisolo. Bililingi ekoki kotinda yo oluka koyeba soki lisolo elobeli nini mpe otánga yango. Ndenge kaka ezalaka mpo na elubu moko ya kitoko, miso nde “esepelaka” liboso. Na yango omituna boye: ‘Nazali komona nini?’—Amo. 7:​7, 8.

• Ntango ozali kotánga lisolo moko, kanisá ntina oyo baponi kotya elilingi yango. Tángá maloba oyo ezali pembeni ya elilingi mpe maloba oyo elimboli yango, soki ezali. Talelá ndenge oyo elilingi yango eyokani na likambo oyo lisolo elobeli mpe ndenge oyo okoki kosalela likambo yango na bomoi na yo.

• Nsima ya kotánga, salelá elilingi mpo na kozongela makanisi ya ntina ya lisolo yango. Meká kokanga elilingi to bililingi yango na moto mpe kanisá makambo oyo eteyi yo.

• Mpo na nini te ozongela bililingi oyo ezali na nimero oyo mpe otala soki ozali koyeba lisusu mateya oyo ozwaki?