Ndenge ya koyeba lisusu bavɛrsɛ

Esilá kokómela yo oyeba lisusu te vɛrsɛ oyo olingaka mingi? Ekoki kozala vɛrsɛ oyo ebɔndisaka yo, oyo esalisaka yo olongola makanisi mabe, to oyo osalelaka mpo na kolendisa basusu. (Nz. 119:​11, 111) Talá mwa makanisi oyo ekoki kosalisa yo oyebaka lisusu bavɛrsɛ.

• Salelá JW Library^®. Kɔtisá motó ya likambo “Bavɛrsɛ oyo nalingaka” na esika ya kokoma banɔti mpe tyáká bavɛrsɛ nyonso oyo okolinga komona lisusu.

• Bambá vɛrsɛ yango na esika oyo okomona yango. Komá na mwa papye vɛrsɛ oyo okolinga komikundwela, mpe bambá yango na esika oyo okobanda komona yango mingi. Bato mosusu batyaka yango pene ya talatala na bango to na porte ya frigo. Basusu mpe bakangaka vɛrsɛ yango fɔtɔ mpe batyaka yango na lokasa ya liboso ya ordinatɛrɛ to ya telefone.

• Komá yango na mwa papye. Komá vɛrsɛ yango na ngámbo moko ya papye mpe maloba na yango na ngámbo mosusu. Na nsima zongeláká maloba yango to meká kokanisa esika nini ekomami na Biblia.