Pole ezali se kongɛnga makasi

LOKOLA basaleli ya Nzambe bayebi ete Yehova nde apesaka pole ya elimo, babondelaka na motema moko ete ‘pole mpe solo’ ya Nzambe ekamba bango. (Nz. 43:3) Mokili ezali se kozinda na kati ya molili ya elimo, kasi Nzambe ya solo azali kongɛngisa bato na ye. Na yango, nzela na biso “ezali lokola pole oyo ezali kongɛnga, oyo ezali kongɛnga se kongɛnga kino moi ekokóma makasi.” (Mas. 4:18) Pole oyo euti na Yehova ezali kongɛngisa biso na oyo etali kotambwisa makambo na lisangá, mateya, mpe bizaleli ya bokristo. Makambo nini tosemboli na mateya na biso na bambula oyo eleki?