Maloba na nse ya lokasa

d Bato mosusu, wana batangaki Deteronome 17:8-11, bakanisaki ete mokapo wana molobeli mibeko ya bonkɔ́kɔ oyo epemamaki na Nzambe. Nzokande, lokola emonisamaki na maloba na nse ya lokasa na paragrafe 14, mokapo yango molobeli bobele lolenge ya kosambisa. Likebisi wana lipesamaki te mpo na mimeseno mikeseni to mpo na mibeko ya bonkɔ́kɔ oyo epesamaki to epesamaki te na boumeli ya bikeke mingi. Ntembe ezali te ete mibeko misusu ya bonkɔ́kɔ, oyo ezalaki komonisa ndenge nini kotalela na sikisiki makambo mosusu matali Mibeko [ya Nzambe], mibatelamaki. Kasi likambo oyo ete mibeko ya bonkɔ́kɔ ezalaki uta kala emonisi te ete yango epemamaki. Na ndakisa, kanisa mibeko ya bonkɔ́kɔ oyo ekolaki na ntina na lisoló ya nyoka ya ebende.​—Mituya 21:8, 9; 2 Mikonzi 18:4.