Maloba na nse ya lokasa

b Kobanda na ntango ya boyangeli ya Alesandala Monene (336-323 L.T.B.), Bagreke basalaki milende nyonso mpo na kopalanganisa bafilozofi, mimeseno mpe lokóta na bango na mikili nyonso oyo mizalaki na nse na Boyangeli ya Grèce. Bato oyo bamekolaki mimeseno mpe makanisi ya Bagreke batalelamaki lokola ete bango mpe bakómi Bagreke. Milende ya kolóngisa mimeseno ya Bagreke koleka ya bato mosusu elandanaki na nse ya Boyangeli ya Baloma atako bango balóngaki Bagreke, mpamba te basepelaki mingi na mimeseno mpe filozofi na bango. Ata kati na baoyo bazalaki kotemela makasi bopusi ya Bagreke, tozali na bilembeteli ya polele bimonisi ete mingi balandaki filozofi, makanisi mpe mateya ya Bagreke.