Maloba na nse ya lokasa

a Mbala na mbala, mipɛpɛ makasi eyaka pwasa na Mbu ya Galilai. Lokola mai yango ezali na nse mingi (soki mɛtrɛ 200 na nse ya nivo ya mai monene), mopɛpɛ oyo ezalaka likoló na yango ezalaka na molunge mingi koleka oyo ya bisika ya pembenipembeni; yango nde esalaka ete mipɛpɛ makasi ebɛtaka kuna. Mipɛpɛ makasi eutaka na Ngomba Helemona, oyo ezali na nɔrdi, mpe ekitaka na Lobwaku ya Yolodani. Yango wana, mai ekoki kozala kimya mpe mbala moko mopɛpɛ moko ya makasi eyei kobebisa kimya wana.