Maloba na nse ya lokasa
c Balimboli ya maloba ya Biblia balobaka ete mibali yango bazalaki na ndai ya Monaziri. (Mit. 6:1-21) Ya solo, Mibeko ya Moize, oyo esɛngaki ndai ya ndenge wana esilaki ngala. Kasi, ekoki kozala ete Paulo akanisaki ete ekozala mabe te mibali yango bákokisa ndai oyo balapaki epai ya Yehova. Yango wana, ekozala mabe te afutela bango makambo nyonso mpe akende elongo na bango. Nzokande, toyebi te soki ezalaki ndai ya ndenge nini; kasi, ata soki ezalaki ya ndenge nini, tokanisi te ete Paulo alingaki kosomba nyama mpo bápesa yango mbeka (ndenge Banaziri bazalaki kosala) na likanisi ete ekopɛtola masumu na bango. Lokola Kristo apesaki mbeka ya kokoka, bambeka ya ndenge wana ekokaki lisusu kopɛtola masumu te. Ata soki Paulo asalaki nini, tokoki kolikya ete andimaki te kosala likambo oyo elingaki kotungisa lisosoli na ye.