Maloba na nse ya lokasa

a Baklisto mosusu oyo basalaka na lopitalo batalelaki likambo yango ya bokonzi. Monganga akoki kozala na bokonzi ya kokomela moto ya maladi nkisi to kopesa ye mwa malako. Ata soki moto ya maladi aboyi te, moklisto oyo azali monganga akosalela nde bokonzi na ye mpo na kozongisa makila to kolongola ye zemi, lokola ayebi malamu makambo oyo Biblia elobi na ntina na yango? Kasi, lifulumɛ oyo asalaka na lopitalo akoki kozala na bokonzi wana te. Na mosala na ye ya mokolo na mokolo, monganga akoki kotinda ye asala moto moko ekizame mpo na ntina moko to mosusu to mpe asalisa mwasi oyo ayei kolongolisa zemi. Na boyokani na likambo oyo 2 Mikonzi 5:17-19 elobeli, akoki koloba ete lokola etinda ya kozongisa makila to ya kolongola zemi euti epai na ye te, akoki kosala mosala na ye ya kosunga moto ya maladi. Atako bongo, asengeli kotalela lisosoli na ye, mpo ete ‘atambola na lisosoli malamu liboso na Nzambe.’​—Misala 23:1.