Maloba na nse ya lokasa

a Bazalaki kobimisa banzete yango na madusu wana te ata na ntango oyo Sanduku efandaki na esika na yango na kati ya mongombo. Yango wana, bakokaki kosalela banzete yango mpo na mosala mosusu te. Lisusu, bakokaki kosimba Sanduku yango te. Soki bázalaka kobimisa banzete yango na madusu na yango, mbɛlɛ elingaki kosɛnga ete mbala nyonso oyo balingaki komema yango, básimba Sanduku mosantu mpo na kokɔtisa lisusu banzete na madusu na yango. Maloba oyo ezali na Mituya 4:6, ete bazalaki ‘kokɔtisa banzete,’ ekoki kolimbola ete bazalaki kobongisa banzete yango mpo na kotombola sanduku yango mpo ezalaki na kilo mingi, ntango basengelaki kolongwa na esika moko mpo na kokende na esika mosusu.