Maloba na nse ya lokasa

b Atako bato ya mayele bapesaka makanisi ndenge na ndenge mpo na tempelo ya Dagan, mingi balobaka ete tempelo ya Dagan ezali kaka tempelo ya El. Roland de Vaux, moto ya mayele ya ekólo France mpe profesɛrɛ na Eteyelo ya Jérusalem mpo na mateya ya Biblia, alobi ete Dagan, elingi koloba Dagona oyo balobeli na Basambisi 16:23 mpe na 1 Samwele 5:1-5, ezali nkombo mpenza ya nzambe El. Buku moko (The Encyclopedia of Religion) elobi ete ntango mosusu “bazalaki koloba ete Dagan ezali kaka ye wana nzambe [El] to ete azali kaka lokola ye.” Na makomi oyo bamonaki na Ras Shamra, Baala abengami mwana ya Dagan, kasi ndimbola ya liloba “mwana” na ndenge basaleli yango awa eyebani mpenza te.