Maloba na nse ya lokasa

a Ntango tokanisaka ndakisa ya moto oyo ayikaki mpiko na komekama makasi oyo akutanaki na yango, tokanisaka ndakisa ya Yobo. Ndakisa ya moto yango ya sembo ekoki koteya biso nini? Toyebi ete Satana akoki te kotinda biso na makasi tótika kosalela Yehova. Toyebi mpe ete Yehova ayebaka makambo nyonso oyo ekómelaka biso. Lisusu, kaka ndenge asalisaki Yobo ayikela komekama mpiko tii na nsuka, mokolo mosusu akosilisa bampasi na biso nyonso. Soki tomonisi na misala ete tozali kondima mpenza makambo yango, tokozala kati ya bato oyo ‘batyelaka mpenza Yehova elikya.’