Maloba na nse ya lokasa

a Mabongoli mosusu ya Biblia esaleli liloba “Lucifer” na Yisaya 14:12, mpo na bato mosusu, yango ezali nkombo ya anzelu oyo akómá Satana Zabolo. Kasi, liloba ya Ebre oyo esalelami wana elimboli “oyo azali kongɛnga.” Bavɛrsɛ oyo ezali liboso emonisi ete maloba yango esalelami te mpo na kobenga Satana, kasi nde boyangeli ya Babilone, oyo Nzambe asengelaki kolongola mpo na lofundo na yango. (Yisaya 14:4, 13-20) Maloba “oyo azali kongɛnga” esalelamaki mpo na kotyola boyangeli ya Babilone nsima ya kokwea na yango.