Loyembo 82
Basi bazali limpinga monene
1. Yehova ye mei’asakoli,
Nde basi bamemi nsango.
Bazali limpinga monene
Ya Batatoli na solo.
Bakolamuka mpe na ntɔ́ngɔ́
Mpo na misala ya ndako.
Basaleli ntango malamu,
Ete básakola nsango.
2. Tika tósɛnga na Yehova
Mpo na bandeko ya basi.
Bayekoli wana ya mpiko,
Batondi misala mingi.
Bamoko bazali mizéngé
Mpe basusu nde mibangé.
Bazali ndakisa malamu;
Bazangaka makita te.
3. Ezali bamama na biso,
Basi mpe bana na biso.
Bango mpe bandeko mibali,
Babuki mbuma n’esengo.
Oyo nde limpinga monene!
Basungi bato mingi bɛɛ.
Nkombo Yehova’apesi bango
Ezali mpo na mpamba te.