Loyembo 180

Búku ya Nzambe—Eloko ya motuya mingi

(Masese 2:1)

1. Awa, tozali nde na Búku moko,

Ekopes’elikya, nsai, kimya.

Ekolakisaka nzela ya bomoi,

Nsango na yang’ezali na nguya.

Búku yango nde Biblia mosantu.

Kala, basembwi baponamaki,

Bakomi yango na nguya ya Nzambe;

N’elimo na ye, bapemamaki.

2. Balobeli biloko Nzamb’asali.

Nguya, nkembo na ye, bakumisi.

Balobi et’o kati’a Paladiso;

Kuna nde Adam’asumukaki.

Balobeli mpe anzelu ya ntembe,

Oyo mabe, mowelani na Yah.

Mpe mab’eingelaki na mokili;

Mosika te, Yehova’akolónga.

3. Lelo totondani n’esengo mɛkɛ!

Nkolo na biso’akómi Mokonzi.

Lobiko ya basembwi lobɛlɛmi,

Mpo nzela na ye, bango balandi.

Oyo nsango euti na Biblia;

Ntalo na yango’eleki wolo bɛɛ.

Yango’epesi bato’elikya ya bomoi.

Etondi na lisoló monene.