Loyembo 128

Tósala mingi lokola Banasili

(Mituya 6:8)

1. Banasili Bolandi bango?

Bokomekola bango?

Baponami mpo básalela

Yehova ntango inso.

Talá ntang’ekómi mokuse,

Tótya likebi na mpila.

Tokoki nde kobakisa

Mosala na nguya?

2. Banasili Bakomiboya,

Balingi bomoi’a pɛtɛɛ.

Babɛlɛmi epai na Nzambe.

Mpo nini biso mpe te?

Kasi bomoi ya Monasili

Esɛngi komipekisa.

Bandeko mingi bandimi

Mpo bákumisa Yah.

3. Banasili Bazwi elembo

Mpo bango bakeseni;

Mpo na bango, kotosa Nzambe

Eleki ntina mingi.

Tósal’elongo na Yehova,

Tótosa mibeko na ye.

Tokozwa bolamu mingi

Na mosala na ye.

4. Banasili Bango ndakisa

Y’etamboli ya pɛto.

Tópambolama na Yehova,

Tótambola na pɛto.

Tótanga liboso motuya

Mpe tólikya na Yehova.

Tósala solo na nguya

Mpe tokopambwama.