Loyembo 85

Yehova azali ekimelo na biso

(Nzembo 91:1, 2)

1. Yehova, y’ozali nde

Ekimelo solo.

Totii seko elikya

Epai na yo, Nkolo.

Ɛ Nzambe, batelá biso

Na mitambo ya Satana.

Yo’ebombamelo solo

Mpo na basembwi banso.

2. Nzambe alobi na yo,

Ata nkóto bakwe’

Soko mpe nkóto zomi,

Nde y’okokwea te.

Mpe y’okobang’eloko te,

Mpo Nzambe akosunga yo;

Talelá bobele ye,

Mpe y’akobatela yo.

3. Mpasi mpe y’okozwa te,

Y’okobatelama.

Baanzelu ya Yehova

Bakosunga mpenza.

Y’okosakana na nkosi

Mpe okosimba etupá.

Salelá Nzambe na yo

Na motema mobimba.

4. Tókumisa Yehova,

Ye azali sembo.

Y’ekimelo na biso,

Lobiko na biso.

Tómipesa s’epai na ye,

Mpo y’alaki biso bomoi.

Ee, nkombo ya Yehova,

Ekimelo na biso.