Loyembo 41

Kumisá Yehova, ye Libangá

(Deteronome 32:4)

1. Likoló, yoká! Mabelé, yoká!

Bayengebene, bino bóyoka!

Nzamb’alobi ‘toli na ye mpe solo,

Esopani’ekiti lokola mamwe.’

2. Tika tóteya Nkombo monene

Ya Nzambe; bato bakoyeba ye.

Tósanzola Yehova, ye Libangá,

Mobateli na mpat’oy’a etongá.

3. Nzambe monene; y’ozali sembo,

Yo nde malamu mpe na bolingo;

Mitinda na yo miyebisi solo;

Y’okokisi maloba na yo nyonso.

4. Tóbanga Nzambe, aleki nguya,

Tózala pɛto, tika tótosa

Na esengo mpo bomoi na biso

Euti na Yah, ye Nzambe na biso.