Loyembo 125

“Yehova azali elongo na ngai”

(Nzembo 118:6)

1. Elikya na ngai na Nzambe,

Motema na ngai na ye.

Nakotosa nzela na ye,

Nakolanda ye, Nzambe.

Soki nakokutana na

Mpasi nini, Yehova

Nzamb’akoumela mpe te;

Noki, ye’akosunga nga’.

(Mondimo)

2. Ntang’oyo nayebi ete,

Nakomekama mingi.

Banguna bayikani bɛɛ,

Bango lokola nzoi.

Nde nakobengana bango

Mpo nazali na Nzambe.

Ye Mobateli basembwi

Bamemi nkombo na ye.

(Mondimo)

3. Tal’etongá ya Yehova!

Ye’azipoli bikuke

Mpe “bampate” baingeli;

Bámemi makabo mpe.

Bino “bampate” ya sembo,

Nzambe alingi bino.

Nakosala elongo na

Bino na mpiko nyonso.

(MONDIMO)

Yehova Nzambe, sungá ngai

Ete nákumisa yo seko.