Loyembo 1
“Ɛ molimo na ngai, kumisá Yehova!”
1. Nakumisa Yah Yehova
Na molimo na nga’mobimba,
Mpo alimbisi masumu
Na nga’nyonso; abateli nga’
Ayokaka nkanda noki te,
Azali moyengebene.
Oy’akobanga Yehova,
Akomona ngolu na ye.
2. Yehova alimbisaka
Mpo’ayebi tozali mpumbulú.
Lokola folólo mpenza,
Nsima tokozonga mputulu.
Mpe boboto na ye monene
Ezali na bato na ye.
Bango mpe balendisami
Na boyengebene na ye.
3. Kiti na ye ya Bokonzi
Etyami solo na makoló.
Amonisi nde nguya na
Ye na misala na ye nyonso.
Bókumisa mpe bósanzola
Yah, bino baanzelu na ye!
Molimo na nga’, kumisá
Yah, mpe bino’ebele na ye.