Loyembo 96
Tókumisa Yehova, Tata na biso
1. Nzambe, bikelamu binso,
Lokumu, bapesi yo.
Yo Mozalisi na nyonso,
Oyebi biso solo.
Mapamboli mpe makabo,
Nyonso euti na yo.
Tótɔndi yo, Nzambe, mpo na
Motema mawa na yo!
Otindaki Mwana na yo
Et’abikisa biso.
Ye nzoka’ mbeka’a lisiko
Mpo na bato ya sembo.
2. Klisto mp’akokisaki nde
Mokumba na ye nyonso;
Bobele na nkombo na ye
Nde tokozwa lobiko.
Ye akómi Mokonzi mpe
Afandi na makoló,
Epai azali kokamba
Mabota na bosembo.
Bato na yo batondani
N’esengo na mitema.
Bayebisi ete nsai
Ekokitana mawa.
3. Tika tókumisa Nzambe!
Tika tóyembela ye!
Tolápi ndai n’esengo
Mpo na kosalela ye.
Tokomema nkombo na yo;
Yang’ekosakolama;
Tokokokisa mosala
Na yo kino na nsuka.
Nzambe, tomipesi na yo
Mpe na mosala na yo.
Kokumisa nkombo na yo
Nde esengo na biso.