Loyembo 197
Tóyemba nzembo mpo na Yehova!
1. Tóyemba nzembo y’esengo
Mpo na Yehova Nzambe!
Klisto akómi Mokonzi.
Azwi mpenza mabelé.
Tónganga mpo na esengo,
Mpe tóyembela Yesu!
Ye alingi biso mingi;
Abongi na lokumu.
Klisto azali Mokonzi
Ya mabota nyonso.
Tóteya boyengebene,
Tólakisa solo.
2. Oyo ntango ya mpasi bɛɛ,
Mikakatano mingi.
Ekopesaka mawa mpe,
Etondi na bolózi.
Na Mbula Nkóto ya Klisto,
Nyonso ekosila nyee;
Oy’esengo, Paladiso
Ekoya na mabelé.
Ee, tómilɛngɛla mpo na
Mokili ya sika.
Moyengebene, bomoi,
Yango nde akozwa.
3. Misala ya nguya na Yah
Mibangisi bikólo.
Oy’esengo ye’apamboli
Batatoli ya nsango.
Solo Nzambe nde azali
Mokonzi mpo na nyonso.
Banso, tokoyembela Yah
Nde na motema moko!
Tókumisa ye na nzembo;
Azwi nguya nyonso.
Azwi kiti ya bokonzi;
Tika azwa nkembo!