Loyembo 2

Liboso tótosa Nzambe, nde bato na nsima

(Misala 5:29)

1. Mpo tosepelisa Nzambe,

Tókima mokili.

Bato bakotyola biso,

Tólongola nsɔni.

Tótikala sembo na Yah,

Tolapáki ndai.

Tókosalela kaka ye;

Yango’ezali nsai.

2. Tosengeli nde kofuta

Mpáko na Kaisala;

Mpe tokotosa bakonzi

Mpo Nzamb’asepela.

Tosombami na Yehova,

Biso bato na ye.

Tokolanda toli na ye;

Atondi mayele.

3. Soki tolingi kimya mpe

Kokumisa Nzambe,

Tókima mokili oyo

Etondani mabe.

Tófuta nyongo na biso,

Tósalela Nzambe.

Solo na ye ekolónga;

Tokokumisa ye.

4. Mosala ya kosakola

Mózala liboso.

Baninga nyonso ya solo,

Tósalisa bango.

Banguna bakotɛmɛla

Nde bakolónga te.

Tómipesa na Yehova,

Mpo na nguya na ye.