Bino basaleli ya Bokonzi, bókende liboso!

1. Bókende kosakola nsango,

Na mokili mobimba.

Bólingaka mpe bazalani,

Bato’a sembo bósunga,

Mosal’a Nzambe ez’esengo;

Tósakola Liloba n’e,

Bókoba kosakola nsango;

Bótatola nkombo’a Nzambe.

2. Basakoli, miso liboso,

Bótala se libonza.

Tólanda matambe ya Nkolo

Na mitema ya sika.

Nsango malamu ya Bokonzi

Ebongi bato báyoka.

Toz’osakola na nguy’a Yah;

Tozali te na kobanga!

3. Elongo tókende liboso,

Tólanda batikali.

Bino bilenge mpe mibange

Na solo bokangami.

Tótyola mosala oyo te;

Tókangama na losambo.

Mpo Yehova andima biso

Tómibatela mpe pɛto.