Bóluka banani babongi

1. Nkolo ndakisa mpo na kosakola,

Ye moko’ayebisi biso:

‘Epai nyonso bokokende, bóluka

Bato ya bobola n’elimo.

Bópesa bat’oyo bokuti mbote,

Mpe kimya bótombela bango.

Soki bamosusu batyoli bino,

Bópupwela bango makolo.’

2. Soki bayambi bino, bayambi ye.

Nzambe akosunga bango.

Mposa na bango ya bomoi ya seko

Ekotinda báyoka nsango.

Bómitungisa te mpo na maloba,

Yehov’akopesa lisungi.

Mpe maloba na bino ya elɛngi

Ekobenda bato babongi.