Tólinga makasi na motema moko

1. Tólingaka na motema,

Bolingo euta kuna;

Boboto tómonisaka

Epai ya bandeko.

Tokomonisa bolingo

Oyo tozali na yango,

Tómekola Nzambe solo,

Na motema sembo.

Tólinga na misala,

Tókabela bato bazangá,

Bolamu tómonisa

Mokolo na mokolo.

Tópesanaka limemya;

Tóbosana te baninga.

Tólimbisaka mabunga.

Tómonisa bosembo,

Tóbatela bomoko.

2. Soki toz’olinga mpenza,

Tokoboya kosilika;

Tokotyelana motema

Na makambo mingi.

Tóbatelaka boninga;

Lokumu tópesanaka.

N’esengo toyanganaka,

Mpo tózwa makasi.

Tosalaka masumu,

Tozokisaka mpe basusu.

Tómonisa lokumu

Na baninga ya Nzambe.

Toza’ baninga ya solo,

Tóyokana ntango nyonso.

Tóyebana na bolingo,

Tókumisaka Nzambe;

Tólinga lokola ye.