Kɛngɛláká, tɛlɛmá ngwi, zalá makasi

1. Tɛlɛmá ngwi, piká pende,

Mpe kozonga nsima te.

Zalá mpenza sod’a mpiko,

Yo nd’okolonga bango.

Tosá mitindo nde ya Kristo,

Mpo ye nde komanda na biso.

2. Kɛngɛlá, fungolá miso,

Tosáká ntango nyonso.

Tyá matoi, yokáká Kristo,

Epa’ moombo’a sembo.

Yokeláká bankulutu mpo

Baz’obatela ngai ná yo.

3. Tɛlɛmá, tóbund’elongo

Mpo na nsango malamu.

Tokosakola tii nsuka,

Ata banguna baza’.

Yo mpe yaká, pesá mabɔkɔ.

Talá! Makambo’elingi’ebanda!