Tóyikisana mpiko

1. Tóyikisana mpenza mpiko

Tósalela se Yehova,

Tózala mpenza na bolingo,

Na bomoko mpe na kimya.

Bolingo ya bato ya Nzambe

Elendisaka makasi.

Lisang’ezali ekimelo,

Esika tobatelami.

2. Liloba na ntango malamu

Eza’ mpenza kolendisa!

Maloba mpo na kobɔndisa

Eutaka na baninga.

Malamu kosala elongo

Na elikya na baninga!

Tólukaka kolendisana

Mpe kosalisana mpenza.

3. Na miso’a kondima tomoni

Mokolo’a Yah ebɛlɛmi,

Tóyanganak’esika moko

Tólanda nzel’oy’ebongi.

Elongo na basali’a Nzambe,

Tokosalela ye seko.

Ɛɛ, toz’oyikisana mpiko

Mpo tóbatela bosembo.