Biblia ezali mpenza na makanisi ya Nzambe?

Eyano ya Biblia

Bato mingi oyo bakomaki Biblia balobi ete Nzambe nde ayebisaki bango makambo oyo bakomaki. Talá bandakisa oyo:

• Mokonzi Davidi: “Elimo ya Yehova nde elobaki na nzela na ngai, mpe liloba na ye ezalaki na lolemo na ngai.”​—2 Samwele 23:1, 2.

• Mosakoli Yisaya: “Talá oyo Nkolo Mokonzi-Oyo-Aleki-Nyonso, Yehova ya mampinga, alobi.”​—Yisaya 22:15.

• Ntoma Yoane: “Emoniseli ya Yesu Kristo, oyo Nzambe apesaki ye.”​—Emoniseli 1:1.