MOTUNA 10
Elaka nini Biblia epesi mpo na mikolo ezali koya?
“Bato ya sembo bakozwa mabele, mpe bakofanda wana mpo na libela.”
“Mabele ezali kotikala mpo na libela.”
“Akolongola liwa mpo na libela, mpe Nkolo Mokonzi-Oyo-Aleki-Nyonso Yehova akopangwisa mai ya miso na bilongi nyonso.”
“Na ntango yango miso ya bato oyo bakufá miso ekofungwama, mpe matoi ya bato oyo bakufá matoi ekofungwama. Na ntango yango motɛngumi akopumbwa lokola serfe, mpe lolemo ya moto oyo alobaka te ekoganga na esengo. Mpo mai ekobima na esobe, mpe mikɛli na mokili patatalu oyo ekauká.”
“Akopangwisa mai ya miso nyonso na miso na bango, mpe liwa ekozala lisusu te, matánga te, koganga te, mpasi mpe ekozala lisusu te. Makambo ya kala eleki.”
“Bakotonga bandako mpe bakofanda kuna, bakolona bilanga ya vinyo mpe bakolya mbuma na yango. Bakotonga te mpo moto mosusu afanda kuna, bakolona te mpo moto mosusu alya. Mpo mikolo ya bato na ngai ekozala lokola mikolo ya nzete, mpe bato oyo naponi bakozwa mpenza litomba na mosala ya mabɔkɔ na bango.”