Azwaki eloko ya motuya na nsima ya ndako-nzambe

Na mbula eleki, na etúká ya New York, mwasi moko alobaki ete azwaki eloko ya motuya na nsima ya ndako-nzambe. Kati na mokanda oyo akomelaki “Moto oyo akolinga kotánga yango,” Akomaki boye : “Nazwaki buku ya moke oyo na nsima ya ndako-nzambe na biso, mpe namemaki yango na ndako. Ezali na motó ya likambo ete Okoki kozala na bomoi ya seko na mabele oyo ekobongwana paradis.”

Mwasi yango alobi boye: “Sikoyo, natikali kaka na mikapo minei mpo nasilisa kotánga buku yango mpo na mbala ya mibale. Buku yango esepelisaki ngai mingi, yango wana esengelaki natánga yango malɛmbɛmalɛmbɛ, mpo na mbala ya mibale, mpo nasimba makambo nyonso malamumalamu. Nayebaki makambo mingi na buku wana koleka oyo nayebaki na ndako-nzambe na biso. Lisusu, nayebi makambo oyo nayebaki yango liboso te. Nakosepela kozwa babuku mosusu ya mike lokola buku yango.”

Buku yango ebimisamaki na Batatoli ya Yehova esili koleka mibu 20, mpe ebimaki koleka milio 81 na minɔkɔ 112. Atako ebimaka lisusu te, okoki kokuta makambo ya ntina oyo ezali na buku yango na mwa babuku oyo ya nkasa 32: Nzambe azali mpenza komibanzabanza mpo na biso? mpe Quel est le but de la vie? Comment le découvrir?

Okoki kozwa mwa babuku yango mibale soki otondisi lokasa oyo ezali awa na nse mpe otindi yango na adrɛsi oyo etyami awa to na oyo ebongi na yo na lokasa 5 ya zulunalo oyo.

□ Bótindela ngai mwa babuku Nzambe azali mpenza komibanzabanza mpo na biso? mpe Quel est le but de la vie? Comment le découvrir?

□ Bóya kotala ngai mpo na koyekola na ngai Biblia na ndako kozanga kofuta mbongo.