Mpo na nini mangomba ezali ebele boye?

Mwasi moko akomelaki biro ya filiale ya Batatoli ya Yehova na Guatemala mokanda mpe ayebisaki ndenge asololaki na Motatoli moko na bisi. Mwasi yango alobaki boye: “Tolobelaki ntina oyo mangomba ezali ebele boye.” Alobaki ete Motatoli abimisaki mwa buku Nzambe azali kosɛnga nini epai na biso? mpe afungolaki yango na liteya oyo ezali na motó ya likambo “Lolenge nini okoki koyeba lingomba ya solo?” Mwasi yango akomaki ete: “Lisolo yango ekamwisaki ngai mingi. Ezalaki mbala ya liboso nayeba ete lingomba ya basambeli ya solo esengeli kozala kaka moko.”

Mwa buku yango esimbaki motema na mwasi yango ntango atángaki yango. Yango wana alobaki ete: “Nakomeli bino mpo na kotuna soki bokoki kosalisa ngai nayekola Biblia na lisalisi ya mwa buku oyo, mpamba te nandimi ete makambo oyo yango elobeli ezali solo.”

Mwa buku Nzambe azali kosɛnga nini epai na biso? ezali na nkasa 32 mpe ezali monene lokola zulunalo oyo. Longola motó ya likambo oyo tolobeli awa, mwa buku yango ezali mpe koyanola na mituna lokola oyo:

◼ Nzambe azali nani?

◼ Mokano ya Nzambe mpo na mabelé ezali nini?

◼ Bokonzi ya Nzambe ezali nini?

◼ Ndenge nini okoki kozala na libota ya esengo?

Mwa buku Nzambe azali kosɛnga nini epai na biso? ekoki mpe kosalisa yo soki otángi yango. Okoki kosɛnga yango soki otondisi eteni ya lokasa oyo ezali awa na nse mpe otindi yango na adrɛsi oyo etyami awa to na oyo ebongi na yo na lokasa 5 ya zulunalo oyo.

□ Nalingi kozwa mwa buku Nzambe azali kosɛnga nini epai na biso?

□ Bóya kotala ngai mpo na koyekola na ngai Biblia kozanga kofuta mbongo.