“Mposa ya kotánga yango ezali kosila te”

◼ Na mbula oyo eleki, na mayangani ya Batatoli ya Yehova oyo esalemaki na mokili mobimba, babimisaki buku moko ya sika mpo na kosalisa bato báyekola mateya ya ebandeli ya Biblia. Buku yango ezali na nkasa 224 mpe na bililingi ya kitoko. Nkombo na yango Biblia eteyaka mpenza nini?

Mwasi moko oyo atángaki yango akomaki ete: “Mposa ya kotánga yango ezali kosila te. Na buku yango, basaleli mayele nyonso ya koteya oyo namoná na babuku mosusu ya koyekola.”

Motángi mosusu alobaki ete: “Makambo oyo otángi na lokasa moko ezali kotinda yo okoba kotánga. Nazali mpe kosepela ndenge, na nsuka ya mokapo nyonso, bayebisi yo makambo okokuta na mokapo oyo elandi. Bisika mingi natángaki elelisaki ngai. Ezali na makambo mingi oyo nazali kosepela na yango na buku oyo mpe soki nakomi yango nyonso, ekoki kosala buku mobimba.”

Moto mosusu mpe akomaki boye mpo na komonisa botɔndi na ye: “Ya solo, buku oyo ezali na motuya mingi na elimo, mpe ekosalisa mpenza mpo na koteya bayekoli ya sika.”

Buku Biblia eteyaka mpenza nini? ezali sikoyo na minɔkɔ koleka 140. Okoki kosɛnga buku yango soki otondisi eteni ya lokasa oyo ezali awa na nse mpe otindi yango na adrɛsi oyo etyami awa to oyo ebongi na yo na lokasa 5 ya zulunalo oyo.

□ Nalingi kozwa buku Biblia eteyaka mpenza nini?

□ Bóya kotala ngai mpo na koyekola na ngai Biblia kozanga kofuta mbongo.