Ntango nini osengeli kobanda koteya mwana na yo?

● Mobali moko na engumba Summerville, na etúká ya Caroline ya Sudi na États-Unis, akomaki ete ntango kaka mwasi na ye akómaki na zemi ya sanza misato, butu nyonso azalaki komilalisa pembeni na ye mpe kotánga lisolo moko na buku Mokanda mpo na masolo ya Biblia. Tata yango alobi boye: “Ntango mwana na biso ya mwasi Bethiah abotamaki tokobaki kosala bongo; tozalaki kotánga lisolo moko mpokwa nyonso, tii totángaki buku yango mobimba mbala misato.”

Abakisi boye: “Ntango Bethiah abandaki koloba, azalaki koyeba bato mingi oyo Biblia elobeli mpe kolobela masolo mingi ya Biblia oyo ezali na buku yango. Azalaki mpe kokanga masolo mingi ya Biblia na motó.”

Buku yango ya makomi ya minene, ezali na masolo 116 mpe bililingi ya kitoko. Masolo yango etyami na buku na molɔngɔ, na kolanda ndenge oyo Biblia elobeli bomoi ya moto mokomoko nsima ya mosusu. Soki olingi kozwa buku yango ya nkasa 256, tondisá mwa eteni ya lokasa oyo ezali awa na nse mpe tindá yango na adrɛsi oyo ebongi na yo kati na baadrɛsi oyo ezali na lokasa 5 ya zulunalo oyo.

□ Nalingi kozwa buku oyo bolakisi awa. Yebisá soki na monɔkɔ nini.

□ Bóya kotala ngai mpo na koyekola na ngai Biblia kozanga nafuta mbongo.