Okoki kozwa mapamboli ya seko oyo Nzambe alaki

• Okolinga kozala na mokili oyo ezangi kowelana, bitumba mpe mobulu?

• Okolinga maladi, mpasi mpe liwa ezala lisusu te?

• Okolinga mitungisi ezala te?

• Okolinga kofanda na mokili oyo makama oyo ebimaka yango moko ekozala lisusu te?

Nzambe oyo asalá mokili oyo, alaki bato bomoi ya kimya mpe ya esengo libela na libela. Akosala yango mpenza.

Masolo oyo elandi ekolobela:

• Makambo oyo emonisi ete Nzambe, oyo akelá biso, alingaka biso

• Nsango nini Nzambe ayebisi biso?

• Oyo basakoli balobi mpo na makambo malamu oyo Nzambe asaleli biso mpe oyo akosalela biso

• Oyo tokoki kosala mpo na kozala na esengo lelo oyo mpe kozwa mapamboli ya seko oyo Nzambe alaki na mikolo ezali koya

Tólobela naino biloko oyo Nzambe apesi biso, oyo emonisi ete alingaka biso.