Likanisi Mpo Na Koyekola
Osepelaka kotánga masolo ya bomoi ya bandeko na biso ya basi mpe ya mibali?
Mobali moko ná mwasi na ye oyo batángaka masolo ya bomoi ntɔngɔ nyonso balobi boye: “Masolo yango ya bomoi epesaka biso esengo mpe elendisaka biso! Ekundwelaka biso ete biso mpe tokoki kozala sembo ata soki makambo nini ekómeli biso na bomoi.” Ndeko mwasi moko oyo amiyokaka mpe bongo, akomaki boye: “Masolo yango ya bomoi ebɔndisaka, elendisaka mpe epesaka makasi. Bomoi ya bandeko na biso ya basi mpe ya mibali ezali na ntina mpe na motuya mingi. Masolo na bango elendisaka ngai nasakolaka lisusu mingi mpe esalisaka ngai nalendisa bana na ngai bákɔta na mosala ya ntango nyonso mpo na kosalela Yehova.”
Masolo ya bomoi ekoki kolendisa yo omityela mikano ya ntina mingi, mpo na kolonga bolɛmbu, mpe mpo na koyika mpiko na komekama ya makasi na esengo mpe na bosembo. Ndenge nini okoki kozwa masolo yango?
Kende na jw.org to na programɛ JW Library® na esika bakomi “Masolo ya bomoi ya Batatoli ya Yehova.”
Luká na Watchtower Library to na Watchtower MIKANDA OYO EZALI NA INTERNET™ na esika bakomi “Masolo ya bomoi ya Batatoli ya Yehova.”